Gipuzkoako elizbarrutiko Eliza, Artzain Ona katedralean bildu zen atzo arratsaldean, (19:00etan), Frantzisko Aita Santuari azken agurra emateko. Eliza erabat bete zen; parrokia guztietako fededunek, agintari zibil ugarirekin eta bizitza sagaratuaren ordezkariekin batera, Argentinako Aita Santuarenganako esker ona eta maitasuna adierazi nahi izan zuten.
Aldarearen azpian, Aita Santuaren irudia ageri zen koadro batek bere lan handiaren hamabi urte bizi-biziak gogorarazi zizkien bertaratuei, hau da, pertsona pobreekiko hurbiltasunak, eta anaitasun unibertsalerako deietan oinarritutakoa. Ospakizunaren buru, Fernando Prado, Donostiako gotzaina izan zen, eta bere alboan, Mikel Aranguren bikario nagusia eta Ignacio Echarte, jesuita eta Bizitza Sagaraturako elizbarrutiko ordezkariak alboan izan zituen, apaiz talde handi batekin batera.
Giro solemnean, Mariaren Bihotza Abesbatzaren, katedraleko abesbatza, musika hunkigarriak zeresan handia izan zuen elizkizunean, elkartasun eta itxaropen kristauaren zentzua azpimarratzen zuten piezak kantatu baitzituzten.
Donostiako Elizbarrutiak fededun guztiak gonbidatzen ditu Frantziskoren arimaren alde otoitz egiten jarraitzera, eta poz ebanjelikoaren eta zerbitzu apalaren testigantza bizirik mantentzera.
